11 October 2020 Current Affairs In Marathi (Chalu Ghadamodi)


11 October 2020 Current Affairs In Marathi (Chalu Ghadamodi)

रुद्रम 1 या अँटी रेडिएशन क्षेपणास्त्राची यशस्वी चाचणी:

चालू घडामोडी (101 ऑक्टोबर 2020)

एचबीएस अधिष्ठातापदी भारतीय वंशाचे शिक्षणतज्ज्ञ श्रीकांत दातार निवड झाली:

11 October 2020 Current Affairs In Marathi (Chalu Ghadamodi)

  • भारतीय वंशाचे शिक्षणतज्ज्ञ श्रीकांत दातार यांची हार्वर्ड बिझनेस स्कूलच्या (एचबीएस) अधिष्ठातापदी निवड झाली आहे.
  • ते आता नितीन नोहरिया यांचे उत्तराधिकारी आहेत. संस्थेच्या 112 वर्षांच्या इतिहासात लागोपाठ दुसऱ्यांदा भारतीय वंशाच्या व्यक्तीची अधिष्ठातापदी निवड झाली आहे.
  • दातार हे मुंबई विद्यापीठ आणि ‘इंडियन इन्स्टिटय़ूट ऑफ मॅनेजमेंट, अहमदाबाद’चे माजी विद्यार्थी असून सध्या ते उद्योग व्यवस्थापन विषयात ‘आर्थर लोवीस डिकिन्सन’चे प्राध्यापक आणि हार्वर्ड बिझनेस स्कूलचे वरिष्ठ सहायक अधिष्ठाता आहेत.
  • दातार हे 1 जानेवारीपासून अधिष्ठाता पदाचा कार्यभार स्वीकारतील, असे अध्यक्ष लॅरी बॅकाव यांनी सांगितले.
  • बॅकाव यांनी म्हटले आहे की, दातार हे कल्पक शिक्षणतज्ज्ञ, विद्वान असून त्यांच्या अनुभवाचा संस्थेला निश्चितच लाभ झाला आहे व यापुढेही होईल.
  • गेल्या पंचवीस वर्षांत त्यांनी एचबीएस (हार्वर्ड बिझनेस स्कूल) संस्थेत विविधांगी काम केले असून इतर हार्वर्ड स्कूल्सशी सहकार्य केले आहे.

आसाममध्ये मदरसे आणि संस्कृत शाळा होणार बंद:

11 October 2020 Current Affairs In Marathi (Chalu Ghadamodi)

  • आसाममधील भाजपा सरकार राज्यातील सरकारी मदरसे आणि संस्कृत शाळा बंद करण्याच्या तयारीत आहे.
  • नोव्हेंबर महिन्यापासून या शाळा बंद करण्यात येणार असून याबाबत लवकरच अधिसूचना प्रसिद्ध करण्यात येणार असल्याचे आसामचे शिक्षण आणि अर्थमंत्री हिमांता बिस्व सरमा यांनी सांगितले.
  • मदरसे बंद झाल्यानंतर 48 कंत्राटी शिक्षकांना शिक्षण विभागाच्या शाळांमध्ये सामावून घेतलं जाण्याची शक्यता असल्याचेही त्यांनी म्हटलं आहे.
  • खासगी तत्वावर संस्कृत शाळा आणि मदरशे चालवण्याबाबत सरकारचं काहीही म्हणणं नाही, असंही सरकारने स्पष्ट केलं आहे.

रुद्रम 1 या अँटी रेडिएशन क्षेपणास्त्राची यशस्वी चाचणी:

 

11 October 2020 Current Affairs In Marathi (Chalu Ghadamodi)
  • संरक्षण क्षेत्रात भारताने एक मोठा पल्ला गाठला आहे. डीआरडीओने आज स्वदेशी बनावटीच्या पहिल्या अँटी रेडिएशन मिसाइलची यशस्वी चाचणी केली.
  • या क्षेपणास्त्रामुळे भारताची शत्रूवर हवाई हल्ला करण्याची क्षमता कैकपटीने वाढली आहे.
  • ब्रह्मोस, निर्भय, शौर्य या क्षेपणास्त्रांच्या चाचण्या केल्यानंतर, डीआरडीओने शुक्रवारी पहिल्यांदाच रुद्रम 1 या अँटी रेडिएशन क्षेपणास्त्राची यशस्वी चाचणी केली.
  • रुद्रम 1ने आपल्या पहिल्याच चाचणीत ठरवलेले निकष पूर्ण करणं हे फक्त साधसुध यश नाहीय, कारण या क्षेपणास्त्रामुळे भारताची लष्करी, हवाई शक्ती कैकपटीने वाढली आहे.

फ्रेंच खुली टेनिस स्पर्धा : फ्रेंच सम्राज्ञी!:

11 October 2020 Current Affairs In Marathi
  • पोलंडच्या इगा श्वीऑनटेकने कारकीर्दीत प्रथमच ग्रँडस्लॅम जेतेपदाला गवसणी घातली.
  • फ्रेंच खुल्या टेनिस स्पर्धेतील महिला एकेरीच्या अंतिम फेरीत श्वीऑनटेकने अमेरिके च्या सोफिया केनिनचा सरळ दोन सेटमध्ये धुव्वा उडवला.
  • ग्रँडस्लॅम जेतेपदावर नाव कोरणारी श्वीऑनटेक ही पोलंडची पहिली टेनिसपटू ठरली.
  • 19 वर्षीय श्वीऑनटेकने शनिवारी रंगलेल्या अंतिम सामन्यात केनिनवर 6-4, 6-1 अशी मात केली.

दिनविशेष:

  • 11 ऑक्टोबर हा दिवस ‘आंतरराष्ट्रीय बालिका दिन‘ आहे.
  • सन 1852 मध्ये युनिव्हर्सिटी ऑफ सिडनी या ऑस्ट्रेलियातील विद्यापीठची स्थापना झाली.
  • प्रसिद्ध चित्रपट अभिनेते व निर्माते अमिताभ बच्चन यांचा जन्म 11 ऑक्टोबर 1942 मध्ये झाला.
  • व्ही.एस. नायपॉल यांना सन 2001 मध्ये साहित्यातील नोबेल पारितोषिक जाहीर झाले.

 


Add a Comment

Your email address will not be published. Required fields are marked *