26 October 2020 Current Affairs In Marathi (Chalu Ghadamodi)


26 October 2020 Current Affairs In Marathi

26 October 2020 Current Affairs In Marathi
26 October 2020 Current Affairs In Marathi
सूर्यकुमार यादवला ऑस्ट्रेलिया दौऱ्यासाठी आंतरराष्ट्रीय पदार्पणाची संधी:

चालू घडामोडी (26 ऑक्टोबर 2020)

‘व्होकल फॉर लोकल’चा संकल्प लक्षात ठेवा – पंतप्रधान मोदी:

  • विजयादशमी म्हणजेच दसऱ्या निमित्त देशवासीयींना शुभेच्छा देत पंतप्रधान मोदींनी आजच्या मन की बात कार्यक्रमाद्वारे जनतेशी संवाद साधला.
  • विजयादशमीचे पर्व हे असत्यावर सत्याच्या विजयाचे व एकप्रकारे संकटावर धैर्याच्या विजयाचे देखील पर्व असल्याचे त्यांनी सुरूवातीस सांगितले.
  • तसेच, सण-उत्सवांच्या काळात बाजारात खरेदीसाठी जाताना व्होकल फॉर लोकलचा आपला संकल्प नक्कीच लक्षात ठेवा, असं त्यांनी देशवासीयांना आवाहन केलं आहे.
  • मात्र यंदा तुम्ही जेव्हा खरेदीसाठी जाल, तेव्हा व्होकल फॉर लोकलचा आपला संकल्प नक्कीच लक्षात ठेवा. बाजारातून सामान खरेदी करताना, आपल्याला स्थानिक उत्पादनांना प्राथमिकता द्यायची आहे.”

कृषी क्षेत्र बळकट करण्यासाठी केंद्राचा पुढाकार -पंतप्रधान मोदी:

 

  • शेतकऱ्यांना कुठलाही त्रास सोसावा लागू नये म्हणून कृषी क्षेत्राला बळकटी देण्यासाठी आमचे सरकार पुढाकार घेत असल्याचे प्रतिपादन पंतप्रधान नरेंद्र मोदी यांनी शनिवारी केले.
  • केंद्र सरकारने पारित केलेल्या नव्या कृषी कायद्यांना शेतकऱ्यांचे अनेक गट व राजकीय पक्ष विरोध करत असल्याच्या पार्श्वभूमीवर मोदी यांनी हे वक्तव्य केले आहे.
  • शेतकऱ्यांचे उत्पन्न दुपटीने वाढवण्यासाठी आणि त्यांचा उत्पादन खर्च तसेच त्रास कमी करण्यासाठी बदलत्या काळासोबत आम्हाला आमचे प्रयत्नही वाढवावे लागतील’, असे मोदी म्हणाले.
  • ‘शेतकऱ्यांना शेतमाल देशात कुठेही विकण्याचे स्वातंत्र्य देणे असो, किंवा कृषी उत्पादकांच्या हजारो संघटना उभारणे असो; सिंचन प्रकल्प पूर्ण करणे असो, अथवा पीक विमा योजनेतील सुधारणा असो, या सर्वाचा उद्देश कृषी क्षेत्राला बळकटी देणे हा आहे.
  • जेणेकरून शेतकऱ्यांना शेती करण्यात त्रास होऊ नये. त्यासाठी अशा प्रकारचे उपक्रम सतत राबवले जात आहेत.

गरज पडल्यास आम्ही सीमापार जाऊन युद्ध करु – अजित डोवाल यांचा इशारा:

26 October 2020 Current Affairs In Marathi

  • भारताला डिवचणाऱ्या देशांना भारताचे राष्ट्रीय सुरक्षा सल्लागार अजित डोवाल यांनी शनिवारी कडक इशारा दिला.
  • देशाच्या स्वाभिमानासाठी गरज पडल्यास आम्ही सीमापार जाऊन युद्ध करु शकतो, असं त्यांनी म्हटलं आहे.
  • ऋषीकेश येथे गंगेच्या काठी असलेल्या परमार्थ निकेतन आश्रमाला भेट दिल्यानंतर डोवाल यांच्या हस्ते गंगा पूजन झालं, यावेळी ते बोलत होते.
  • डोवाल म्हणाले, “इतिहास साक्षी आहे की भारताने कधीही कोणावर हल्ला केला नाही.
  • मात्र, देशाच्या स्वाभिमानासाठी गरज पडल्यास सीमाचं नव्हे तर सीमापार जाऊनही आम्ही युद्ध करु शकतो.
  • नवा भारत वेगळ्या विचारांचा आहे. स्वार्थासाठी आम्ही कोणाला डिवचणार नाही मात्र, स्वाभिमानाच्या रक्षणासाठी कोणाला सोडणारही नाही.”
  • “आपण जगातील मोठ-मोठ्या संस्कृतींचे पतन झालेले पाहिले आहे.
  • तसेच नव्या संस्कृतींना विकसित होतानाही पाहिले आहे. मात्र, भारतीय संस्कृती संपूर्ण जगात वेगळी आहे.
  • शेकडो वर्षांपासून परदेशी आक्रमणं आणि गुलामी सोसल्यानंतरही कोणतीही बाहेरची संस्कृती या देशावर प्रभाव टाकू शकली नाही,” अशा शब्दांत त्यांनी भारतीय संस्कृतीचा गौरव केला.

सूर्यकुमार यादवला ऑस्ट्रेलिया दौऱ्यासाठी आंतरराष्ट्रीय पदार्पणाची संधी:

26 October 2020 Current Affairs In Marathi

  • देशांतर्गत क्रिकेटमध्ये गेली दहा वष्रे सातत्यपूर्ण फलंदाजी करणाऱ्या सूर्यकुमार यादवला ऑस्ट्रेलिया दौऱ्यासाठी आंतरराष्ट्रीय पदार्पणाची संधी मिळण्याची दाट शक्यता आहे.
  • महेंद्रसिंह धोनीच्या निवृत्तीनंतर निवड समिती विजयवीराची भूमिका पार पाडू शकणाऱ्या मधल्या फळीतील फलंदाजाचा शोध घेत आहे.
  • मुंबई इंडियन्सकडून खेळताना सूर्यकुमारने ‘आयपीएल’मध्ये 10 सामन्यांत एकूण 243 धावा केल्या आहेत.
    त्यामुळेच त्याच्या नावाला पंसती मिळण्याची शक्यता आहे.
  • 2012 मध्ये सूर्यकुमारचे नाव सर्वप्रथम निवड समितीच्या चर्चेत आले होते. पण ती संधी हुकल्यानंतर भारत ‘अ’ संघात त्याने अनेकदा प्रतिनिधित्व केले. वर्षांच्या पूर्वार्धात भारत ‘अ’ संघाच्या न्यूझीलंड दौऱ्यातही खेळला होता.
  • मार्च महिन्यात न होऊ शकलेल्या दक्षिण आफ्रिकेविरुद्धच्या तीन एकदिवसीय सामन्यांसाठीही त्याचे नाव चर्चेत आले.
  • पण निवड समितीने त्याला संघात स्थान दिले नाही. पुढील महिन्यात ऑस्ट्रेलिया दौऱ्यासाठी भारताच्या महासंघाची निवड होणार असून सूर्यकुमारची प्रतीक्षा संपण्याची चिन्हे आहेत.

दिनविशेष:

  • 26 ऑक्टोबर हा आंतरराष्ट्रीय इंटरसेक्स जागृकता दिन म्हणून पाळला जातो.
  • संत नामदेव यांचा जन्म 26 ऑक्टोबर 1270 मध्ये झाला.
  • जगातील सर्वात जुने फुटबॉल असोसिएशन सन 1863 रोजी लंडनमध्ये सुरु झाले.
  • सन 1947 मध्ये जम्मू आणि काश्मीरचे राज्य भारतात विलीन झाले.
  • राष्ट्रीय रासायनिक प्रयोगशाळेतील (NCL) संशोधक व्ही.व्ही. रानडे यांना सन 1999 मध्ये केंद्र सरकारतर्फे स्वर्णजयंती फेलोशिप जाहीर.

 


Add a Comment

Your email address will not be published. Required fields are marked *