1 October 2020 Current Affairs In Marathi (Chalu Ghadamodi)



सुपरसॉनिक ‘ब्रह्मोस’ क्षेपणास्त्राची यशस्वी चाचणी

चालू घडामोडी (1 ऑक्टोबर 2020)

भारताच्या ‘फेलुदा’ कोविड चाचणीत नेदरलँडला स्वारस्य दाखवले:

  • भारताच्या ‘फेलुदा’ या सोप्या, विश्वासार्ह व किफायतशीर कोविड चाचणीत नेदरलँडने स्वारस्य दाखवले असल्याची माहिती वैज्ञानिक व औद्योगिक संशोधन मंडळाचे (सीएसआयआर) महासंचालक शेखर मांडे यांनी दिली.
  • नेदरलँडला त्यांची करोना चाचणी पातळी वाढवायची आहे. त्यामुळे त्यांनी ‘सीएसआयआर’ला पत्र पाठवून या चाचणी संचाबाबत चौकशी केली आहे.
  • फेलुदा चाचणीत त्यांना स्वारस्य आहे याचे कारण, ही अचूक व स्वस्त तसेच कमी वेळात होणारी चाचणी आहे. टाटा समूहाने त्यात व्यावसायिक भागीदारी केली आहे, असे मांडे यांनी सांगितले.
  • भारतीय औषध महानियंत्रकांनी या चाचणीला मंजुरी दिली असून त्यात जनुक संपादन तंत्रज्ञानाचा वापर केल्याने कमी नमुन्यातही अचूक रोगनिदान होते.

सुपरसॉनिक ‘ब्रह्मोस’ क्षेपणास्त्राची यशस्वी चाचणी:

  • भारताने बुधवारी ‘ब्रह्मोस’ या सुपरसॉनिक क्रूझ क्षेपणास्त्राची यशस्वी चाचणी केली. हे क्षेपणास्त्र 400 किलोमीटरच्या रेंजमधील लक्ष्याचा अचूक वेध घेण्यास सक्षम आहे.
  • ब्रह्मोस’ हे भारताचे सर्वात अत्याधुनिक आणि घातक क्षेपणास्त्र आहे. भारत आणि रशियाने मिळून या क्षेपणास्त्राची निर्मिती केली आहे.
  • संरक्षण संशोधन आणि विकास संस्था डीआरडीओच्या पीजे-10 प्रकल्पातंर्गत ही चाचणी करण्यात आली.
  • 300 किलो वॉरहेड वाहून नेण्याची क्षमता असलेले हे क्षेपणास्त्र हिंदी महासागरातील चिनी युद्धनौका तसेच तिबेट आणि शिनजियांगमधील चीनच्या धावपट्टया उद्धवस्त करु शकते.

ठी पात्र ठरण्याचे लक्ष्य आहे:

  • सायना नेहवाल, किदाम्बी श्रीकांत या आघाडीच्या खेळाडूंचा समावेश असलेल्या डेन्मार्क खुल्या बॅडमिंटन स्पर्धेचे वेळापत्रक जाहीर करण्यात आले आहे.
  • करोना काळात 13 ऑक्टोबरपासून सुरू होणारी ही पहिलीच बॅडमिंटन स्पर्धा आहे. सायना, श्रीकांतपुढे ऑलिम्पिकसाठी पात्र ठरण्याचे लक्ष्य आहे.
  • फ्रान्सच्या यॅले होयॉक्सविरुद्ध सायनाची लढत आहे.
  • टोक्यो ऑलिम्पिकला पात्र ठरण्याकरता सायना, श्रीकांतला क्रमवारीतील गुणांमध्ये वाढ करावी लागणार आहे.

लिव्हरपूलचा सलग तिसरा विजय:

  • गतविजेत्या लिव्हरपूलने यंदाच्या इंग्लिश प्रीमियर लीग मोसमाची धडाक्यात सुरुवात करताना सलग तिसऱ्या विजयाची नोंद केली.
  • पिछाडीवर पडल्यानंतर लिव्हरपूलने पुनरागमन करत आर्सेनलचे आव्हान 3-1 असे मोडीत काढले.
  • अलेक्झांड्रे लाकाझेट्टे याने 25व्या मिनिटाला आर्सेनलचे खाते खोलल्यानंतर तीन मिनिटांनी सादियो माने याने लिव्हरपूलला बरोबरी साधून दिली.
  • 34व्या मिनिटाला ट्रेंट अलेक्झांड्र-आरनॉल्ड याच्याकडून मिळालेल्या क्रॉसवर अँड्रय़ू रॉबर्टसन याने गोल करत लिव्हरपूलला 2-1 असे आघाडीवर आणले.
  • सामना संपायला दोन मिनिटे शिल्लक असताना दिओगो जोटा याने तिसरा गोल करत लिव्हरपूलच्या विजयावर शिक्कामोर्तब केले.

दिनविशेष:

  • 1 ऑक्टोबर हा दिवस आंतरराष्ट्रीय कॉफी दिन तसेच आंतरराष्ट्रीय वृद्ध व्यक्तींचा दिन आहे.
  • सन 1837 मध्ये भारतातील पहिले टपाल कार्यालय सुरू झाले.
  • सामाजिक कार्यकर्त्या व भारतीय स्वातंत्र्याच्या पुरस्कर्त्या अ‍ॅनी बेझंट यांचा जन्म 1 ऑक्टोबर 1847 मध्ये झाला.
  • गीतकार, कवी, लेखक, पटकथाकार, अभिनेते गजानन दिगंबर तथा ग.दि. माडगूळकर यांचा जन्म 1 ऑक्टोबर 1919 मध्ये झाला.
  • भारतात 1958 या वर्षापासून दशमान (मेट्रिक) पद्धत वापरण्यास सुरूवात झाली.
  • भुवनेशप्रसाद सिन्हा यांनी सन 1959 मध्ये भारताचे 6वे सरन्यायाधीश म्हणुन कार्यभार सांभाळला.




Add a Comment

Your email address will not be published. Required fields are marked *